اعراض انفلونزا الطيور والتقارير عنها واتمني تاخدوا بالكم وربنه معانا كلنا
الاعراض
-تقف ادام المرايه زي الفرخه
-تحس معاها انك مكسور الجناح
-لما تضحكلك تحس ان علي راسك ريشه
-ولما تطلب منها حاجه تحس انها هاتبيض لما تعملهالك
الشعور بالخجل عند روؤية اي ديك
الميل الي الرقود علي البيض من وقت الي اخر
هز الرقبه بطريقه غير عاديه
انك يطلعلك يش تحت باطك
لما تيجي تكح تقول كاااااااك كاااك كاكو
الخوف الشديد من الصقور والحدايات والسكاكين
انك تحس ان كل الناس فاقسينك
ومع انتشار انفلونزا الطيور اتخذت الحكومه بعض الاجراءات لحل الازمه
-اغلاق كوبري ابو الريش علي بال ما يلقولو اسم تاني
-اعلان منطقة العاصفره بالاسكندريه ومنطقة النعام بعين شمس مناطق حظر صحي
-منع عرض افلام ( دعاء الكروان ) و ( السمان والخريف ) و ( عصفور من الشرق ) حتي زوال الازمه والاكتفاء بفيلم ( افواه وارانب ) حيث لم يثبت بعد امكانية نقل العدوي الي الارانب
-منع اذاعة اغنية (يا طير الوروار) و (انا طير في السما) و اغنية (الطير المهاجر) واغنية ( الدنيا ريشه في هوا )
وايضا ريشه ويا ريشه لعلي الحجار
-عمل كمائن مروريه في جميع طرق مصر يوجد فيها طبيب من الحجر الصحي لاءجراء الفحوص اللازمه علي السيارات من طراز كيا عصفوره واللانسر البطه والمرسيدس الزلمكه لاءحتمال اصابتها بالعدوي
-التحفظ علي الفنانه فاتن حمامه و المخرج سمير العصفوري و المؤالف بشير الديك في مناطق عزل صحي وعدم عرض اي من اعمالهم
-الغاء الجناح الايمن والجناح الايسر من جميع تشكيلات فرق كرة القدم والاكتفاء بالهجوم من الوسط
-تأجيل عرض باليه بحيرة البجع بدار الاوبرا حتي اشعار اخر
اتمني ان موضوعي يعجبكم واكون لميت كل اللي يخص انفلونزا الطيور وتدعولي من قلوبكم بالنجاح
وانتظرو المزيد
سبحان الله وبحمده سبحان الله العظيم