الـكــــــــــرنك 1000

الدين , الحياه , برامج الكمبيوتر , برامج الانترنت, اكواد , اشهار المنتديات
 
الرئيسيةمكتبة الصورس .و .جبحـثالأعضاءالمجموعاتالتسجيلدخول
أخرالمواضـيع
https://i.servimg.com/u/f41/14/21/83/26/homepa10.gifhttps://i.servimg.com/u/f41/14/21/83/26/thread10.gifعدد أعضاء المنتدى https://i.servimg.com/u/f21/14/21/83/26/menu10.gif 5836 https://i.servimg.com/u/f41/14/21/83/26/thread10.gif أهلا وسهلا بك https://i.servimg.com/u/f21/14/21/83/26/menu10.gif زائرhttps://i.servimg.com/u/f41/14/21/83/26/thread10.gifأخر عضو مسجل https://i.servimg.com/u/f21/14/21/83/26/menu10.gif ابو علام

تذكرنــي؟
الصفحة الرئيسية غرفه شات الكرنك التسجيل البحث فقدت كلمة المرور؟ اتصل بنا فوتوشوب اون لين دخول

شاطر | 
 

  خذ من القفل وأدي المفتاح

اذهب الى الأسفل 
كاتب الموضوعرسالة
عزب2


avatar


الدوله الدوله : مصر
الجنس الجنس : ذكر
الهوايه الهوايه : الصيد عدد المساهمات عدد المساهمات : 1016
تاريخ التسجيل 15/05/2009
نقاط نقاط : 13036

مُساهمةموضوع: خذ من القفل وأدي المفتاح    الخميس 17 نوفمبر - 9:52

الأسلوب الأمثل لمحاربة الفلول : " خذ من القفل وأدي المفتاح

طبعا مستغربين من المقولة اللي كاتبها في العنوان " خذ من القفل وإدي المفتاح " ، دي مش مقولة من مخيلتي ، المقولة دي ليها عمق تاريخي ، أيوة عمق تاريخي ، إستخدم هذا الشعار في الإسكندرية في السبعينات ، في إنتخابات مجلس الشعب التي أقيمت عقب الإنتفاخ اللي عمله السادات ، الإنفتاح اللي غير من التركيبة المجتمعية للمجتمع المصري وخلي بعض المنتفخين يحاولوا يعملوا لنفسيه هيبة ، ويدخلوا المجلس علشان ينتفخ أكثر ، بالرغم من أن أي منتفخ فيهم ميقدرش غير على سلق القوانين ، زي ما بيسلق الكوسا اللي بيصدرها ، أو االلحمة اللي بيستوردها وبيبعها في كشك الأمن الغذائي اللي كان بيعملوه علشان يبيع فيه ويمص دم الغلابة ، عالعموم واحد من ضمن السادة الحرامية المنتفخين ( مع الإعتذار للحرامية ) وده مش شتيمة والعياذ بالله ده اللقب اللي قالوا السادات عليهم كنوع من التشجيع الجماعي للسرقة ، فقال السادات مرة : " اللي مش حيتغنى في فترة الإنفتاح مش حيتغنى تاني " ، وطبعاً كانت المقولة دي علشان كانت تصريح من سيادته ، فكان شعب المنتفخين مخلصين شوية في السرقة علشان يطبقوا توجيهات سعادته ـ
الواحد ده كان ناوي ينزل إنتخبات مجلس الشعب ، وقدامه واحد من المعارضين للنظام وتاريخه تقريباً كان مقضيه في السجن الحربي ، اللي تقريباً بقى أقربله من أي حد من ولاده بسبب كثر العشرة ، وكانت كل المؤشرات بتقول مع فقر الدائرة والكرب اللي عايشين فيه الناس ، فمن الصعب مواجهة المعارض بالمنتفخ في الإنتخابات ، لأن الرشوة السياسة وإن كانت مقنعة (بأي صورة ) أو غير مقنعة ( بفلوس ) هي التي تحكم المباراة الفاصلة بينهم ـ

بس الوضع الغير متكافئ في الدعاية والرشوة السياسية لم تغنى وتثمن من جوع بسبب الدماغ الإسكندراني اللي دائمأً شايفها إنها دماغ متكلفة ، ناس نزلوا ينبهوا الناس ويكلمهم ، بس فين والناس فين ، دوخة الإنتفاخ اللي عمله السادات كان جايب دوخة للناس ، والناس من كثر الجوع والفقر كانت ممكن تسيب كل اللي حلتها من مبادئ وقيم بسبب 10 جنيه ، وطبعأً ده بسبب برضه إن الإنتفاخ بتاع السادات كان مصاحبه بتنجان ، وده كان مخصص لغسيل دماغ الناس ، والبعد عن أي قيم غير قيم الفهلوة اللي إتزرعت بقوة في الفترة دي ، علشان يبقى الإنتفاخ على حق مش أي حاجة ـ

طب يعملوا أيه في الظروف المهببة دي ، وإنت عارفين الإسكندرانية مبيعرفوش يسكتوا ، فأخترعوا إختراع إسكندراني مش بعيد عن الفهلوة والمكر اللي زرعهم السادات ، الراجل المنتفخ كان رمزه في الإنتخابات ( القفل ) و أعتقد أنه مكنش رمز بس ، كان صفة ، والراجل المعارض كان رمزه في الإنتخابات ( المفتاح ) وكان والله مفتاح خير للدائرة ، الإسكندرانية ضربوا شعار في الحال " خذ من القفل وأدي المفتاح " ، راحوا للناس قالولهم اللي محتاج يأخذ من المنتفخ (القفل) يأخذ بس يدي المعارض (المفتاح) ، وبالطريقة دي سقطوا القفل اللي رمزه قفل بعد ما صرف ملايين ودخل بعديها مستشفى المجانين ـ

وطبعاً الإبتكارات السكندرية ما بتقفش لحد ، فالشعار اللي إتقال برضه ساعتها وغخترعوه في السبعينات " القفل بفلوسه .

المفتاح حيدوسه " ودي كانت بتستخدم برضه لأي مرشح من عينة رجال الأعمال ـ

دي كانت روشتة إسكندراني بسيطة مع دخولنا في إنتخابات 2011 وهي مختلفة لأن نوابها حيحددوا مصير بلادنا بعد الثورة ، أوعى تستهزاء بأي صوت ، و أوصل لكل الناس ، إتكلم معاهم ، الناس تعبانة ، لو حتقنعها بأيه مش حتسمع كلامك وتأخذ من العالم المنتفخة بتاعت 2011 ، متتعبش نفسك ، اللي تلاقيه مصمم يأخذ ، قولوا خذ من الي إنت عايزه ، بس أوعى ضيع بلدك علشان واحد أنعم عليك بحاجة ، لأن اللي زي ده عمره ما حيمعل لصالحك ، واللي حيدهولك من اليمين حياخذوا منك بالشمال ، من سرطانات وفشل كبدي وكلوي ، ومجاري ومياه مش نظيفة ، وقاونين ودساتير حتسلق زي ما كانوا بيسلوقها من السبعينات لأن الفرق مفيش فرق مابين المنتفخين في السبعيانات والمنتفخين دلوقتي غير إن الإنتفاخ في الجسم زاد شوية من كثر السرقة ، والمنتفخ حتلاقيه ملفوف بـ " فلة " اللي هي مفرد فلول ، لو أخذت منهم حاجة عاقبوا مرتين وأدي صوتك للمفتاح ، مرة إنك أخذت منه ومرة تانية إنك سقطه ـ

* الهدف من الشعار هو تقليل حجم الرشوة الإنتخابية ، لأن منعها وهو ده الأفضل بس صعب جدأً تفعيله حالاً ، بس هو ده اللي نفسنا الناس توصله ، تبقى متعوده إنها ترجع لقيامها ومبادئها ، ومتأخدش رشوة بأي شكل من الأشكال ، وهي دي الصورة المثالية اللي حنوصلها بإذن الله بس بعد توعية سياسية كبيرة لا نبتغي فيها وجهاً إلا لوجه الوطن ـ




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin


avatar


الدوله الدوله : مصر
الجنس الجنس : ذكر
الهوايه الهوايه : الصيد عدد المساهمات عدد المساهمات : 3510
الميلاد الميلاد : 05/11/1975
تاريخ التسجيل 13/05/2009
نقاط نقاط : 28106
العمر العمر : 42
الابراج الابراج : العقرب

مُساهمةموضوع: رد: خذ من القفل وأدي المفتاح    الجمعة 10 فبراير - 16:04

اهلا بحضرتك
موضوع جميل بارك الله فيك لما قدمت يداك
تحياتى
مع خالص شكرى وتمنياتى بالتوفيق





 أنت الزائر رقم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://magd1000.own0.com/forum.htm
 
خذ من القفل وأدي المفتاح
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الـكــــــــــرنك 1000 :: المنتديات العـــــــــــــــــــــــــــــامه للكرنك
 :: منتدى النكته والترفه
-
انتقل الى: