حوار بين الحفيدة وجدتها سنة 2080

حفيدة في سن المراهقة (12 سنوات) تجلس مع جدتها (70 سنة) ويدور بينهما هذاالحوار:


االحفيدة: تيته ميرو إزيك..بقى لي زمان ما قعدتش معاكي
االجدة: وهو أنا عارفة أتلم عليكي خالص.. ده أنا قاعدة زهقانة قوي ومش لاقية حاجة تسليني


االحفيدة: ومابتفتحيش الدش ليه يا تيته




االجدة: التليفزيون بقى ممل خالص مافيهوش غير 9700 محطة بس!.وأنا كمان ماعرفش أغير المحطات!


االحفيدة: وإيه الحلاوة دي؟ حلو البادي اللي انتي لابساه ده..بس ده موضة قديمة قوي ياتيته !




االجدة : يا بنتي أنا ست دقة قديمة وبالبس زي ما جيلنا الصاعد اتعود وحسبا التقاليد القديمة بتاعتنا




االحفيدة : أيوه بس مش حاسة إنك مخنوقة وانتي لابساه؟




االجدة: أبداً ده هو ده اللبس المحتشم اللي مفروض الكل يلبسه ويحافظ عليه..فين ايام زمان لما كنا نلبس البادي اللي مبين البطن والظهر بس، مع البنطلون ا لاسترتش الجلد ...كانت حاجة آخر روشنة

االحفيدة : ياه يا تيته.. ده انتوا كان ليكم تقاليد غريبة خالص !

االجدة : وهو انتي فاكرة إن أيامكم دي أيام؟ يا بنتي أيامكم دي ما يعلم بيها الا ربنا .. فين أيام سنة 2008، هي الواحدة فينا كانت تستجري تشرب سيجارة البانجو ولا تسحب لها سطر بودرة قدام أابوها؟ طب ده الدنيا كانت تتقلب ساعتها وما تتعدلش .. أمال إيه .. كان فيه حاجة اسمها أخلاق


االحفيدة: معقول يا تيته؟ للدرجة الفظيعة دي!!؟


االجدة: أمال انتي فاكرة إيه .. وبعدين كانت الست من دول ما تلبسش اللبس الخليع بتاع اليومين ول..يعني الجيبة كان ما يقلش طولها عن شبر وربع .. وكانوا


االستات يلبسوا فوقيها بلوزة باستمرار ..مش زي دلوقتي! حسبي الله ونعم الوكيل!




االحفيدة : يا خبر .. وإيه كمان ياتيته




االجدة: ح أقول لك إيه ولا إيه يعني خدي عندك مثلاً .. زمان كنا نسمع الطرب


الأصيل لمطربين حقيقيين زي مصطفى قمر وعمرو دياب وطبعاً كانت سيدة الغناء


"شاكيرا"، وكانت الأغنية مدتها أكثر من دقيقتين متواصلين من الطرب الأصيل


والموسيقى الهادية الراسية اللي تعمر النافوخ بصحيح كانوا مطربين روشين وآخر


طحن، حسبي الله ونعم الوكيل!




االحفيدة : وبعدين ياتيته




االجدة : وبعدين كنا نسمع على حاجة اسمها اسطوانات ليزر، ودي صحيح انقرضت، بس


كان ليها طعم عن دلوقتي، يا سلام لما كنا نحطها في الووكمان ونعلقها في حزام


االبنطلون كده ونمشي في الشارع كده، كانت أيام جميلة. حسبي الله ونعم الوكيل!




االحفيدة : حكاويكى ممتعة قوي يا تيته .. ثانية واحدة بس لما أصحي سمسم صاحبي


فى المدرسة لأنه بايت معايا في الأودة من امبارح ..أصل الإنسان الآلي بتاع لصحيان بايظ ولازم نصلحه النهاردة




االجدة: طيب ياحبيبتي روحي




(بعد عدة دقائق)




االحفيدة: هيه يا تيته.. وبعدين




االجدة : أحلى أيام بقى كانت أيام الدراسة، الفصل كان على أيامنا رايق وعدد


االتلاميذ فيه ما يزيدش عن ستين سبعين تلميذة، وكنا ساعتها بنعرف نفهم الدرس


كويس مش زي دلوقتي، وكانت الشوارع أيامها فاضية يعني كانت إشارة المرور تقعد


ساعة إلا ربع بس لأن مصر كلها كان تعدادها 70 مليون مش أكثر، تخيلي بقى


االروقان اللي كنا فيه؟ حسبي الله ونعم الوكيل!




االحفيدة : 70 مليون بس؟!!




االجدة : أمال إيه .. عشان كده كانت كل حاجة رخيصة ، يعني مثلاً كيلو اللحمة


يوم ما يضربه الدم كان يبقى بخمسة وعشرين جنيه أو بتلاتين جنيه، وكان أتخن جوز


جزمة بـ 250 جنيه، وكان الواحد يقدر يشتري شقة تمليك بـ 150 ألف جنيه بس..وكان


االدولار بخمسة جنيه بس تخيلي بقى؟




االحفيدة : ما هو علشان كده الجواز على أيامكم كان سهل خالص، إحنا بقى خلصنا من


العُقد دي




االجدة : أُمال إيه .. ده احنا الواحدة مننا كانت بمجرد ما توصل سن 17 سنة


تبتدي تفكر في الجواز العرفى على طول، وما كانش عندنا الأفكار الغريبة اللي


بتعملوها دلوقتي، أنا شخصياً شايفة إن ده أوفر شوية، ده احنا يا بنتي على


أيامنا كان لا يمكن البنت تتأخر بره البيت عن الساعة أربعة صباحاً، طب ده


باباها كان ممكن ساعتها يخاصمها !




االحفيدة : ياي! ده انتوا كنتوا متزمتين خالص ياتيته !!!




االجدة : يا بنتي إحنا اتربينا على الأخلاق والفضيلة والعادات والتقاليد . يعنى


كان أهل الفن محتشمين جداً وكانوا دايماً يطلعوا بالمايوهات البيكيني،


والمذيعات كانوا يقعدوا جنب الضيف مش على ركبته زي دلوقتي.. هيـ يـ يـ يـ ـه


الله يرحم دي أيام.. فكرتيني بالذي مضى حبي الله ونعم الوكيل!




(تمسك الجدة بتليفون محمول في حجم علبة الكبريت)




االحفيدة : ح تكلمي مين يا تيته




االجدة : الحقيقة أنا كنت موصية الجزار على اتنين كيلو لحمة و اديته 600 دولار


عربون وعايزة أطلبه أشوف إذا كانت اللحمة وصلت ولا لأ ..




االحفيدة: (تنهض من مكانها) تشاو سي يو تيته!




االجدة: سي يو




وبعد مرور عدة ساعات انتابت الجدة خلالها غيبوبة بسبب الشيخوخة




و في المساء دار هذا الحوار بين الجدة والحفيدة:




االجدة: إنتي كنتي فين يا فتفت؟




االحفيدة :أصل إحنا أخدنا الولد من الحضانة ..




االجدة : ولد !! ولد إيه اللي أخدتوه من الحضانة؟




االحفيدة : آه صحيح أنا نسيت أقول لك .. أصل أنا جبت ولد من سمسم صاحبي




االجدة: يا بنتي مستعجلين على إيه مش لما تتجوزوا ؟ حسبي الله ونعم الوكيل!




االحفيدة : يا سلام عليكي يا تيته.. إنتي عليك تحكيمات غريبة..طيب إيه اللي


يمنع نخلف من غير جواز أنا شخصياً عملتها ونفعت




االجدة : مشكلتي إني ما باعرفش أزعل منك يا فتفت يا عكروتة ..وسميتوا المحروس


إيه بقى




االحفيدة : سميناه (دوت كوم) ..




االجدة : نعم .. دوت كوم؟ نظام هاي تك بقى؟ يعني لما تعوزي تنادي له تدوسي


(إنتر) ولا إيه بالضبط ؟




االحفيدة : ها ها ها ها .. إيه الخفة دي يا تيته .. والله فكرة .. لما أعوز


أنده له أدوس إنتر .. ولما أحب أقول له روح أودتك أدوس (ألت و إف4)




االجدة: وأخدتوه من الحضانة وديتوه فين بقى؟




االحفيدة : وديناه النادي الصهيوني بتاع الحي




االجدة : النادي الصهيوني بتاع الحي؟




االحفيدة : أيوه .. ده نادي جميل معمول برعاية كبار رجال الأعمال .. وتحت رعاية


وزارة الزراعة وده بيعلم الأطفال حاجات ظريفة خالص ومصاريفه رخيصة جداً وبعدين


االولد الكويس ممكن يبعتوه يكمل تعليمه في إسرائيل على نفقة وزارة الزراعة أصل


(ميدو يوسف والي) وزير الزراعة ده راجل متفتح قوي. هه، أفتح لك التليفزيون يا


تيته عشان تشوفي نشرة الأخبار




االحفيدة تضغط الريموت كنترول لنرى شاشة كبيرة بطول وعرض حائط الغرفة، وتظهر


صوت مذيعة مصحوبا بلقطات للأنباء تقول:




االمذيعة : هاي شلة! إليكم عناوين الأخبار




- أمريكا ترصد 25 مليار دولار لرأس تامر بن محمد بن أسامة بن لادن المتهم


الأول في تفجير قصر السفير الأمريكي في أفغانستان




- واشنطن تتهم ليبيا بتفجير سفينة فضاء فوق كوكب المريخ




- وزير الاقتصاد د. فريد يوسف بطرس غالي يصرح: إعدام الفقراء هو الحل


لخروجنا من عنق الزجاجة




- موافقة مجلس الشعب أخيرا على خصخصة معبد الكرنك




أاخبار عربية:




- زهوة ياسر عرفات تطالب بانسحاب إسرائيل حتى حدود عام 2030، وإعلان


االدولة الفلسطينية في مايو المقبل




- سيريلانكا والفلبين تطرد خمسة آلاف خادمة كويتية




- إسرائيل ترفض الإنسحاب من البصرة إلا بعد ضمان أمن مستوطناتها في


بغداد




- اشتباكات على الحدود الإسرائيلية المغربية




أخبار الفن




- زفاف المطربة صباح على حفيد الفنان الراحل راغب علامة




- رئيس قطاع الإنتاج لم يستقر بعد على بطلة فوازير رمضان ويعقد إجتماع مع


االسيدة توتي محمد صفوت الشريف وزيرة الإعلام الجديدة لمناقشة هذه القضية




- الفنان محمد هنيدي يهاجم نجوم الكوميديا الجدد




االمذيعة: فينيش باي




االجدة: لأ بقى حسبي الله ونعم الوكيل فيكم فعلا! (يغمى عليها)