كان ياما كان

كلمات اغنية ( كان ياما كان )


كان ياما كان كان يا ما كان

الحب مالي بيتنا و مكفينا الحنان

زارنا الزمان .. سرق منا فرحتنا و الراحة و الامان

حبيبي كان هنا .. مالي الدنيا عليا

بالحب و الهنا

حبيبي يا انا يا اقرب مني ليا نسيت مين انا

انا الحب اللي كان اللي نسيته قوام من قبل الاوان

نسيت اسمي كمان نسيته يا سلام على غدر الانسان

والله زمان يا هوى زمان


حبيبي جيت انا ليه في الدنيا ديه اللي علشان احبك

علشان يدوب عمري من جرح غدرك بدري دمعة ورا دمعة و

تعيش انت لفرحك

حبيبي فداك انا و سنيني اللي جاية فداك قلبي اللي حبك

امشي فوق دمعي فوق همي و غني و لا تنزلش دمعة ليلة فوق

خدك

حبيبي كان هنا .. مالي الدنيا عليا

بالحب و الهنا

حبيبي يا انا يا اقرب مني ليا نسيت مين انا

انا الحب اللي كان اللي نسيته قوام من قبل الاوان

نسيت اسمي كمان نسيته يا سلام على غدر الانسان

والله زمان يا هوى زمان

آه .. و من حرقة الاه داب الحجر

آه .. من قلب جواه حب اتقتل

و اه على عاشق هواه من غير امل

اه و الشكوى لله مش للبشر

عسل و مر انت وفا و غدر انت و حب العمر انت

كدبة انت كدبة .. لكن احلى كدبة بعتها لي الزمان

رقة انت رقة .. لكن شوك و دمع و بحر من الاحزان

حبيبي كان هنا .. مالي الدنيا عليا

بالحب و الهنا

حبيبي يا انا يا اقرب مني ليا نسيت مين انا

انا الحب اللي كان اللي نسيته قوام من قبل الاوان

نسيت اسمي كمان نسيته يا سلام على غدر الانسان

والله زمان يا هوى زمان

زمان لما جيت بعد غيابك سنين و على قلبي ناديت

رديت حبيبي جاني

اشتاق لحبيبه تاني

لحبي لحناني و يا ريتني ما رديت

زمان كان لينا بيت و اصحاب طيبين يبكوا لو يوم بكيت

ويخافوا عليك يا غالي

و عليا م الليالي

من همسة من كلمة ويدوبوا لو غنيت

حبيبي كان هنا .. مالي الدنيا عليا

بالحب و الهنا

حبيبي يا انا يا اقرب مني ليا نسيت مين انا

انا الحب اللي كان اللي نسيته قوام من قبل الاوان

نسيت اسمي كمان نسيته يا سلام على غدر الانسان

والله زمان يا هوى زمان

اجمل ما غنت مياده

شكرا للكامات الجميله منى

جميله الاغنيه دى
بس حلوه
ههههههههههههه



حبيبي فداك انا و سنيني اللي جاية فداك قلبي اللي حبك



جامده اوى

فراشه الليل كتب:

اجمل ما غنت مياده

شكرا للكامات الجميله منى

انا برضة بحب الاغنية دى لميادة ويمكن هى وبس
كلماتها واقعية جدا واى انسان اتجرح من انسان احبه بيشعر به وخاصة بعد غدرة به
بس هو ده حال الدنيا يوم فوق ويوم تحت ودوام الحال من المحال

محمد على كتب:

جميله الاغنيه دى
بس حلوه
ههههههههههههه



حبيبي فداك انا و سنيني اللي جاية فداك قلبي اللي حبك



جامده اوى

ههههههههههههه
طيب خذ المقطع من اوله علشان يكتمل الاحساس
حبيبي جيت انا ليه في الدنيا ديه اللي علشان احبك

علشان يدوب عمري من جرح غدرك بدري دمعة ورا دمعة و

تعيش انت لفرحك

حبيبي فداك انا و سنيني اللي جاية فداك قلبي اللي حبك

امشي فوق دمعي فوق همي و غني و لا تنزلش دمعة ليلة فوق

خدك

متهيألى كدة جامدة اوى اوى وتكسر الحجر يامحمد