ياترى صلاتك000 زى صلاة أحمد ؟؟!!

استغفر الله العظيم
إستووا.. إعتدلوا.. إستقيموا يرحمكم الله
الله أكبر> >الله أكبر> >
أحمد ركز بأه في الصلاة وبلاش تسرح،
طيب خلاص،
إمممم.. هو الراجل اللي جنبي ده صوابع رجليه عاملة كده ليه؟ > صباعه الكبير ده كبير أوي، >آه بمناسبة الصوابع هي صوابع زينب دي اللي هيا إيه؟ > بيتهيألي دي اللي عاملة زي الزلابية، > زلابية؟؟ زلابية إيه بس وبتاع إيه
الله أكبر >
أحمد ركز ياأحمد،
>طيب ماأنا مركز أهوه، >
مركز إيه طيب إنت قريت سورة إيه؟ >
أنا قريت سورة اللهب شفت بأه أنا مركز إزاي؟ >
لألأ دي كانت سورة الفيل >
سمع الله لمن حمده >ربنا ولك الحمد، >
أنا جعت، > بس مش عارف أفطر إيه النهاردة؟ >
آه المطعم الجديد اللي كانوا بيتكلموا عنه إمبارح، > بيقولوا عليه أكله حلو، >
بس هو في شارع إيه؟ > لما أخلّص الصلاة أتصل بالتليفون أعرف العنوان >
;الله أكبر
>هيا الساعة كام دلوقتي؟ >
زمانها أربعة وخمسة،
> على فكرة هيا الساعة التانية الجلد كنت حطيتها فين؟ > آه.. ياإما في الدرج ياإما في الدولاب، > دولاب ايه بس ياأحمد ركز ياأحمد إنت بتصلي،
أستغفر الله
>الله اكبر
>أهوه أنا مركز أهوه،
>إنظر لمكان السجود وركز في الأيات اللي بيقولها الإمام
>الله أكبر
>الشيطان ده أعوذ بالله بيخلي الواحد يسرح >مش هو الشيطان بيتسلسل في رمضان، > يعني بيتسلسل تلاتين يوم، > أيوه بس هو رمضان ده تسعة وعشرين ولا تلاتين؟ > هو إبتدى إمتى؟ > تعالى نحسبها كده.. > هو كان يوم السبت في السعودية وفي مصر الأحد > غريبة أوي الحكاية؟ >طيب لو واحد على الحدود ورجل بره ورجل جوه يصوم ولامايصومش؟ >
أحمد.. شفت أهوه إنت رجعت تسرح تاني
>الله أكبر
>هو إحنا في الركعة الكام؟ > يعني هانقوم ولا هانقرأ التشهد؟ > لا دي التانية، > طيب أقولك >إتأخر شوية وشوف الي جنبك هايقوم يقف ولا يقعد يقرأ التشهد
>الله أكبر
>أيوه دي الركعة التانية، > شفت بأه عشان سعادتك عمال تسرح،
> لأ خلاص أعوذ بالله من الشيطان الرجيم
>الله أكبر
>السجادة دي مريحة ولونها حلو، > هيا سجادة ولا موكيت، > لاموكيت بنسيج السجاد، >آه على فكرة إبقى إفتكر تكنس السجادة اللي في البيت بالمكنسة، > بس لازم أنضف كيس المكنسة عشان بقالي مده مانضفتوش
>الله أكبر
>الراجل اللي جنبي ده، > رجليه بتزق في رجلي، > طيب أحرك رجلي شوية، > الله ده بيلزقها فيا تاني،
> أستغفر الله
>الله أكبر
>فيه صوت موبايل،
> الناس دي ليه مش بتقفل الموبايل ساعة الصلاة.. > مش عارفين ان ممكن ده يخلي الواحد مايركزش في الصلاة >مع إن فيه يافطة محطوطة على الباب مكتوب عليها إغلق الجوال من فضلك >وعليها صورة موبايل عليه علامة إكس.. >بس هو الموبايل ده كان نوعه إيه؟ > بيتهيألي سيمنس.. >هيا إيه الرنة دي؟ > آه أنا عايز أبقى أغير الرنة، > فاكر الموضوع اللي كتبته عن رنات الموبايل
>الله أكبر
>الراجل اللي جنبي ده عمال يتحرك كتير،
> أستغفر الله مافيش خشوع خالص،
> أنا أهوه مش باتحرك
>السلام عليكم ورحمة الله >السلام عليكم ورحمة الله
>إيه هيا الصلاة خلصت ؟ >السلام عليكم ورحمة الله >السلام عليكم ورحمة الله
>أستغفر الله العظيم > > >
.
.
.

>يا رب ما يكون حد فينا زي اخينا احمد > >اللهم تقبل منا وتب علينا وارحمنا انك انت التواب الرحيم>>>>> >>

سلام عليكم اخي صالح
عشان اكون صريحة صلاتي مش زي احمد و الحمد لله بس كمان مش كلها خشوع يعني ساعات بيحصل اني بسرح و ساعات كتيرة بلاقي ابني ماسك في رقبتي في الرفع من السجود..انا بحاول اخشع و يمكن اكتر فترة بخشع فيها هي في صلاة الفجر يمكن السكون بيلعب دور..أسال الله أن يرزقنا الخشوع في الصلاة..تسلم يا صالح على طرحك..خالص تحياتي...

amel كتب:: سلام عليكم اخي صالح
عشان اكون صريحة صلاتي مش زي احمد و الحمد لله بس كمان مش كلها خشوع يعني ساعات بيحصل اني بسرح و ساعات كتيرة بلاقي ابني ماسك في رقبتي في الرفع من السجود..انا بحاول اخشع و يمكن اكتر فترة بخشع فيها هي في صلاة الفجر يمكن السكون بيلعب دور..أسال الله أن يرزقنا الخشوع في الصلاة..تسلم يا صالح على طرحك..خالص تحياتي...

السلام عليكم ورحمة الله وبركاته
أختى أمل : أكيد كل واحد فينا بيحصل له زى كده -أنا واحد منكم -00بس المطلوب ازاى نجاهد نفسنا ونصل بصلاتنا الى ماهو أفضل لا نقول 100% ولكن لا نريدها 30 %000انتى معايا ؟؟
اللهم ارزقنا الخشوع فى صلاتنا يارب العالمين 000اللهم آمين
مرور كريم منك 00
تحياتى 00000

صالح حجاج كتب:: السلام عليكم ورحمة الله وبركاته
أختى أمل : أكيد كل واحد فينا بيحصل له زى كده -أنا واحد منكم -00بس المطلوب ازاى نجاهد نفسنا ونصل بصلاتنا الى ماهو أفضل لا نقول 100% ولكن لا نريدها 30 %000انتى معايا ؟؟
اللهم ارزقنا الخشوع فى صلاتنا يارب العالمين 000اللهم آمين
مرور كريم منك 00
تحياتى 00000

و عليكم السلام ..اكيد انا معاك يا صالح يعني معقول حكون مع الشيطان عليك لاء طبعا..انا لقيت فكرة حلوة و ابتديت استخدمها بص بقى في وقت الصلاة بعزل نفسي بحيث اني اخذ راحتي في الصلاة يعني الحمد لله يمكن حتكون فكرة ناجحة طبعا مع نية الاخلاص و الخشوع...ادعيلي ..خالص تحياتي...

amel كتب:

و عليكم السلام ..اكيد انا معاك يا صالح يعني معقول حكون مع الشيطان عليك لاء طبعا..انا لقيت فكرة حلوة و ابتديت استخدمها بص بقى في وقت الصلاة بعزل نفسي بحيث اني اخذ راحتي في الصلاة يعني الحمد لله يمكن حتكون فكرة ناجحة طبعا مع نية الاخلاص و الخشوع...ادعيلي ..خالص تحياتي...[/quote]

فكرة جميلة جدا يا أمل 00000

ربنا يتقبل منا ومنك صلاتك وجميع أعمالك ويرزققك الخشوع والتدبر فى الصلاة

تحياتى 00000000

صفحة 1 من اصل 1

أهلا بك زائر عدد مشاركاتك23

ياترى صلاتك000 زى صلاة أحمد ؟؟!!