احبابى الاعزاء لقيت بعض الناس عجبها الدردشه اللى فاتت قولت ندردش تانى
دلوقتى تعرفوا ليه ربنا عاقب السامرى او ليه ربنا عاقب ابى ابن سلول او ليه ربنا عاقب فرعون اوله ربنا عاقب ابليس كلهم لنفس السبب تقريبا بالعربى كده علشان ضحكوا على الخلق او استخفوا بالخلق يعنى ايه ؟؟؟؟؟؟؟؟؟؟؟؟؟ السامرى اخذ حفنة تراب من اثر سيدنا جبريل وعمل منها عجل وقالهم دا اله فاعبدوه ابى ابن سلول بنى مسجد ( مسجد الضرار ) واوهم الناس انه بيعمل عمل خير وهو كان يقصد تفرقة المسلمين فرعون قال للناس لا ارى لكم ربا سواى وابليس مش اكتى باللى بيعمله فى الخلق دا كمان هيجى يوم القيامه ويتبرأ من دا كله ويقول ( وما كان لى عليكم من سلطان الا ان دعوتكم فاستجبتم لى فلا تلومونى ولوموا انفسكم ) الانسان اللى كان عايش ايام النبى عليه الصلاة والسلام وقبل ما يسلم كان يعمل فى الكهانه ويستخف بعقول الناس من اجل جمع المال ولما اسلم اتكرر معاه الموضوع دا مره او اتنين وبعدين مات وعندما علم النبى صلى الله عليه وسلم رغم انه كان يعتبر صحابى النبى لم يقل انذروه بالنار او الخلود فى النار ولا بلغوه بالنار لا انما قال ( بشروه بالخلود فى النار ) ولفظ بشروه كانوا بيهدى نار اللى انضحك عليهم طيب انا قاعد احكى فى الكلام ده كتير ليه كده ايه الفايده منه عاوز اقولك انت لو اسخفيت بعقول الناس لو ضللت الناس لو اوهمت الناس بشئ غير حقيقى لو عاملت الناس على انك حبيبهم بس لمجرد انك عاوز مصلحه وبعدين ترميه لو واعدت حد بوعد وخليت بيه وصحيح هنا الكلام مناسب جدا للشباب اللى بيضحكوا على البنات بانهم هيجوزهم لفتره لما يخرج معاها ويمشى معاها المهم يعنى وبعدين يسيبها بل والبليه الكبرى انك تلاقى اخوه مجوزين بالفعل وبيوهموا بنات الناس ويكذبوا عليهم اللى بينصب على فلوس الناس كل ده هتكون مع السامرى وفرعون وابن سلول وابليس والساحر والكاهن وابشر بمقعدك فى النار طيب ليه المساله دى معقده قوى كده واحد يقولى دا انا كان بس قصدى نضحك يومين ونفرفش شويه وواحد يقولى طب وانا يعنى كنت ضربت حد على ايده لا يا سيدى المساله دى مش ذنب واحد علشان كده عقابها كبير جدا دى بيجتمع فيها اكتر من ذنب على سبيل المثال لا الحصر ( كذب على الخلق - افتراء على الخلق -استخفاف بعقول الخلق -استهزاء بخلق الله ودى هى اهم شئ ) ليه الاخيره اهم شئ لو انت واقف فى بلكون بيتك وابنك تحت فى الشارع وشفت حد بيضربه او بيضحك عليه هتعمل ايه .......... اعتقد الاجابه مفهومه طب ولله المثل الاعلى احنا خلق الله هو اللى خلقنا بايديه يقوم لما يجى واحد يستخف بالناس او يضحك عليهم يبقى كده ربنا ياخده كانه بيقولوا يعنى انا مش مالى عينك حاجه تخصنى وانا الملك وانت تيجى تاذيها فالله يغار على عبده وهنا يحضرنى قوله صلى الله عليه وسلم دعوة المظلوم لا ترد ليه لا ترد انا اعتقد انها لاترد رحمة بالظالم قبل المظلوم لان ربنا لو هو اللى هياخد الحق من نفسه هياخده على قدر ربوبيته وامكانياته اما المظلوم لما بيدعو بيدعو على قدر عبوديته وامكانياته فيقوم ربنا يقوله يعنى دا بس يا عبدى اللى انت عاوزه ماشى ويستجيب اما ربنا لا يسامح فى المظالم ( يا عبادى انى حرمت الظلم على نفسى وجعلته بينكم محرما فلا تظالموا ) مش عارف انا بصراحه لحد كده وفصلت مش لاقى كلام تانى اقوله واترككم للتعليق والله الهادى الى سواء السبيل
عزب2
الدوله : الجنس : عدد المساهمات : 1051 15/05/2009 نقاط : 17339
موضوع: رد: تيجى ندردش تانى 7/3/2009, 4:27 am
بارك الله فيك وفى دردشتك الممتعه المفيده
احسست بكلماتك الصادقه واحسست بها خارجه من القلب لذلك وصلت للقلب ننتظر دردشات اخرى يا ابن ابا العينين
Admin
النشاط المثالى
جهد مشكور عليه من اداره المنتدى
الدوله : الجنس : عدد المساهمات : 4136 الميلاد : 05/11/1961 13/05/2009 نقاط : 36485 العمر : 62 الابراج :
موضوع: رد: تيجى ندردش تانى 7/3/2009, 5:07 am
بسم الله الرحمن الرحيم
اهلا بحضرتك
موضوع جميل ورائع فعلا
مع خالص شكرى وتمنياتى بالتوفيق
amel
الدوله : الجنس : عدد المساهمات : 516 17/05/2009 نقاط : 13865
موضوع: رد: تيجى ندردش تانى 7/3/2009, 12:29 pm
سلام عليكم يا محمد..ازيك بعتقد ان خلاصة كلامك جات في حرص رب العالمين على المعاملة الطيبة بين الناس و التشديد عليها اكتر من اي شيء تاني..سبحانه وصانا في كتير مف و قال *ولا تنابزوا بالالقاب* و قال كمان *ولا يغتب بعضكم بعضا* و قال رسولنا الكريم عليه الصلاة و السلام *كل المسلم على المسلم حرام دمه و عرضه و ماله* متهيالي فكرتك وصلت اكيد و محدش عارف مين اكبر درجة عند رب العالمين .. تسلم كتير على الدردشة دي و خلينا نشوفك...تحياتي...
!!تنبيه !! 
عدد المساهمات
نقاط
موضوع: تيجى ندردش تانى 
الدوله
الجنس
الميلاد
العمر
الابراج
