الـكــــــــــرنك 1000
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

الـكــــــــــرنك 1000

الدين , الحياه , برامج كمبيوتر والانترنت , كتب علميه و بحوث , اكواد , اشهار ,رعب , جن ,عفاريت
 
الرئيسيةالتسجيلدخول
الرئيسية
i_icon17.gifالتسجيل
فقدت كلمة المرور
أكتب شكواك هنا
الرئيسيةالتسجيل المصحف مباشر سماع وقرأه للكمبيوتر المكتبه العلميه لمطبخ والمعجنات والحلويات و الموضه
منتدى قصص الجن المدونة الدردشة مركز الرفعالطب الحديث والاعشاب والاكتشافات العلميه
https://i.servimg.com/u/f21/14/21/83/26/menu10.gifأخر زياره للكرنك1000https://i.servimg.com/u/f21/14/21/83/26/menu10.gif1/1/1970

 

  خذ من القفل وأدي المفتاح

اذهب الى الأسفل 
3 مشترك
كاتب الموضوعرسالة
عزب2

 خذ من القفل وأدي المفتاح  Uooo_o10
عزب2


 خذ من القفل وأدي المفتاح  Uouuuo10
الدوله الدوله : مصر
الجنس الجنس : ذكر
عدد المساهمات عدد المساهمات : 1051
تاريخ التسجيل 15/05/2009
نقاط نقاط : 17237

 خذ من القفل وأدي المفتاح  Empty
مُساهمةموضوع: خذ من القفل وأدي المفتاح     خذ من القفل وأدي المفتاح  Empty11/17/2011, 11:52 am

الأسلوب الأمثل لمحاربة الفلول : " خذ من القفل وأدي المفتاح

طبعا مستغربين من المقولة اللي كاتبها في العنوان " خذ من القفل وإدي المفتاح " ، دي مش مقولة من مخيلتي ، المقولة دي ليها عمق تاريخي ، أيوة عمق تاريخي ، إستخدم هذا الشعار في الإسكندرية في السبعينات ، في إنتخابات مجلس الشعب التي أقيمت عقب الإنتفاخ اللي عمله السادات ، الإنفتاح اللي غير من التركيبة المجتمعية للمجتمع المصري وخلي بعض المنتفخين يحاولوا يعملوا لنفسيه هيبة ، ويدخلوا المجلس علشان ينتفخ أكثر ، بالرغم من أن أي منتفخ فيهم ميقدرش غير على سلق القوانين ، زي ما بيسلق الكوسا اللي بيصدرها ، أو االلحمة اللي بيستوردها وبيبعها في كشك الأمن الغذائي اللي كان بيعملوه علشان يبيع فيه ويمص دم الغلابة ، عالعموم واحد من ضمن السادة الحرامية المنتفخين ( مع الإعتذار للحرامية ) وده مش شتيمة والعياذ بالله ده اللقب اللي قالوا السادات عليهم كنوع من التشجيع الجماعي للسرقة ، فقال السادات مرة : " اللي مش حيتغنى في فترة الإنفتاح مش حيتغنى تاني " ، وطبعاً كانت المقولة دي علشان كانت تصريح من سيادته ، فكان شعب المنتفخين مخلصين شوية في السرقة علشان يطبقوا توجيهات سعادته ـ
الواحد ده كان ناوي ينزل إنتخبات مجلس الشعب ، وقدامه واحد من المعارضين للنظام وتاريخه تقريباً كان مقضيه في السجن الحربي ، اللي تقريباً بقى أقربله من أي حد من ولاده بسبب كثر العشرة ، وكانت كل المؤشرات بتقول مع فقر الدائرة والكرب اللي عايشين فيه الناس ، فمن الصعب مواجهة المعارض بالمنتفخ في الإنتخابات ، لأن الرشوة السياسة وإن كانت مقنعة (بأي صورة ) أو غير مقنعة ( بفلوس ) هي التي تحكم المباراة الفاصلة بينهم ـ

بس الوضع الغير متكافئ في الدعاية والرشوة السياسية لم تغنى وتثمن من جوع بسبب الدماغ الإسكندراني اللي دائمأً شايفها إنها دماغ متكلفة ، ناس نزلوا ينبهوا الناس ويكلمهم ، بس فين والناس فين ، دوخة الإنتفاخ اللي عمله السادات كان جايب دوخة للناس ، والناس من كثر الجوع والفقر كانت ممكن تسيب كل اللي حلتها من مبادئ وقيم بسبب 10 جنيه ، وطبعأً ده بسبب برضه إن الإنتفاخ بتاع السادات كان مصاحبه بتنجان ، وده كان مخصص لغسيل دماغ الناس ، والبعد عن أي قيم غير قيم الفهلوة اللي إتزرعت بقوة في الفترة دي ، علشان يبقى الإنتفاخ على حق مش أي حاجة ـ

طب يعملوا أيه في الظروف المهببة دي ، وإنت عارفين الإسكندرانية مبيعرفوش يسكتوا ، فأخترعوا إختراع إسكندراني مش بعيد عن الفهلوة والمكر اللي زرعهم السادات ، الراجل المنتفخ كان رمزه في الإنتخابات ( القفل ) و أعتقد أنه مكنش رمز بس ، كان صفة ، والراجل المعارض كان رمزه في الإنتخابات ( المفتاح ) وكان والله مفتاح خير للدائرة ، الإسكندرانية ضربوا شعار في الحال " خذ من القفل وأدي المفتاح " ، راحوا للناس قالولهم اللي محتاج يأخذ من المنتفخ (القفل) يأخذ بس يدي المعارض (المفتاح) ، وبالطريقة دي سقطوا القفل اللي رمزه قفل بعد ما صرف ملايين ودخل بعديها مستشفى المجانين ـ

وطبعاً الإبتكارات السكندرية ما بتقفش لحد ، فالشعار اللي إتقال برضه ساعتها وغخترعوه في السبعينات " القفل بفلوسه .

المفتاح حيدوسه " ودي كانت بتستخدم برضه لأي مرشح من عينة رجال الأعمال ـ

دي كانت روشتة إسكندراني بسيطة مع دخولنا في إنتخابات 2011 وهي مختلفة لأن نوابها حيحددوا مصير بلادنا بعد الثورة ، أوعى تستهزاء بأي صوت ، و أوصل لكل الناس ، إتكلم معاهم ، الناس تعبانة ، لو حتقنعها بأيه مش حتسمع كلامك وتأخذ من العالم المنتفخة بتاعت 2011 ، متتعبش نفسك ، اللي تلاقيه مصمم يأخذ ، قولوا خذ من الي إنت عايزه ، بس أوعى ضيع بلدك علشان واحد أنعم عليك بحاجة ، لأن اللي زي ده عمره ما حيمعل لصالحك ، واللي حيدهولك من اليمين حياخذوا منك بالشمال ، من سرطانات وفشل كبدي وكلوي ، ومجاري ومياه مش نظيفة ، وقاونين ودساتير حتسلق زي ما كانوا بيسلوقها من السبعينات لأن الفرق مفيش فرق مابين المنتفخين في السبعيانات والمنتفخين دلوقتي غير إن الإنتفاخ في الجسم زاد شوية من كثر السرقة ، والمنتفخ حتلاقيه ملفوف بـ " فلة " اللي هي مفرد فلول ، لو أخذت منهم حاجة عاقبوا مرتين وأدي صوتك للمفتاح ، مرة إنك أخذت منه ومرة تانية إنك سقطه ـ

* الهدف من الشعار هو تقليل حجم الرشوة الإنتخابية ، لأن منعها وهو ده الأفضل بس صعب جدأً تفعيله حالاً ، بس هو ده اللي نفسنا الناس توصله ، تبقى متعوده إنها ترجع لقيامها ومبادئها ، ومتأخدش رشوة بأي شكل من الأشكال ، وهي دي الصورة المثالية اللي حنوصلها بإذن الله بس بعد توعية سياسية كبيرة لا نبتغي فيها وجهاً إلا لوجه الوطن ـ


الرجوع الى أعلى الصفحة اذهب الى الأسفل
Admin

 خذ من القفل وأدي المفتاح  Ouooo_10
Admin

النشاط المثالى
جهد مشكور عليه من اداره المنتدى

 خذ من القفل وأدي المفتاح  Uouuuo10
الدوله الدوله : مصر
الجنس الجنس : ذكر
عدد المساهمات عدد المساهمات : 4129
الميلاد الميلاد : 05/11/1961
تاريخ التسجيل 13/05/2009
نقاط نقاط : 36328
العمر العمر : 62
الابراج الابراج : العقرب

 خذ من القفل وأدي المفتاح  Empty
مُساهمةموضوع: رد: خذ من القفل وأدي المفتاح     خذ من القفل وأدي المفتاح  Empty2/10/2012, 6:04 pm

اهلا بحضرتك
موضوع جميل بارك الله فيك لما قدمت يداك
تحياتى
مع خالص شكرى وتمنياتى بالتوفيق

 خذ من القفل وأدي المفتاح  Item112151
الرجوع الى أعلى الصفحة اذهب الى الأسفل
https://alkarnak1000.own0.com/forum.htm
محمد على

 خذ من القفل وأدي المفتاح  Uoouo_10
محمد على

النشاط المثالى
جهد مشكور عليه من اداره المنتدى

 خذ من القفل وأدي المفتاح  Uouuuo10
الدوله الدوله : قطر
الجنس الجنس : ذكر
عدد المساهمات عدد المساهمات : 2866
تاريخ التسجيل 10/09/2009
نقاط نقاط : 27914
 خذ من القفل وأدي المفتاح  2110

 خذ من القفل وأدي المفتاح  Empty
مُساهمةموضوع: رد: خذ من القفل وأدي المفتاح     خذ من القفل وأدي المفتاح  Empty12/4/2019, 10:27 pm

 خذ من القفل وأدي المفتاح  390152  خذ من القفل وأدي المفتاح  355526  خذ من القفل وأدي المفتاح  390152
الله على الكلام الطيب
الرجوع الى أعلى الصفحة اذهب الى الأسفل
 
خذ من القفل وأدي المفتاح
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الـكــــــــــرنك 1000 ::  الادب والترفه وحكايات الجن والعفاريت
 :: منتدى النكته والترفه
-
انتقل الى: